GENOCIDE VICTIM: Singer, Helena Hettema with her father, Jan.
Jan Hettema was attacked and shot dead by two black attackers on his smallholding in Boschkop in the east of Pretoria this morning
#StopWhiteGenocideInSA
Die man wat Woensdagoggend op ʼn kleinhoewe in Pretoria doodgeskiet is, is die bekende oud-Springbok-fietsryer en tydrenjaer, Jan Hettema. Hettema (83) het in 1955 Suid-Afrika by die Wêreldfietsrykampioenskap in Rome verteenwoordig en met sy terugkeer sy Springbok-kleure verwerf. In 1956 is hy gekies om aan drie fietsrygeleenthede as deel van die Olimpiese Spele in Australië deel te neem. Hy was ook ʼn uiters vaardige tydrenjaer en het meer as 100 tydrenne gewen, onder meer vyf keer die Suid-Afrikaanse nasionale tydrenkampioenskap. Hettema, wat ook ʼn goeie sanger is, is die pa van die bekende Suid-Afrikaanse sangeres Helena Hettema. Hy en sy dogter het in die verlede ʼn paar liedjies saam opgeneem en saam by vertonings opgetree. Maroela Media het vroeër berig (http://maroelamedia.co.za/nuus/sa-nuus/kleinhoewe-aanval-bejaardedoodgeskiet-vrou-in-kas-toegesluit/) Hettema is omstreeks 08:00 op sy kleinhoewe op die Boschkoppad in die ooste van Pretoria doodgeskiet toe hy deur twee aanvallers oorval is. Sy vrou, die huishulp en haar baba is daarna deur die aanvallers in ʼn kas toegesluit, waarna die verdagtes die huis omgekeer het. Dit was nie dadelik duidelik of daar enigiets uit die huis gesteel is nie. Helena het verlede week op haar Facebook-blad gedeel dat sy met vakansie in Namibië is, maar het gesê dat sy hierdie Saterdag weer terug sal wees om in Pretoria op te tree. Dit is in dié stadium nie duidelik of hierdie vertoning sal voortgaan nie. ʼn Woordvoerder by die agentskap wat Helena verteenwoordig, wou nie Woensdagoggend enige kommentaar lewer nie. Boodskappe van medelye is Woensdagoggend op Helena se Facebook-blad gedeel.
http://maroelamedia.co.za/nuus/sa-nuus/kleinhoewe-moord-slagoffer-is-bekende-sangeres-se-pa/
#StopWhiteGenocideInSA
