Billy van Rooyen (37) and his father in law, Ronnie Lombard (62), died after they were attacked and shot by 12 black attackers. Billy's father, Lood van Rooyen (76), was also shot and is recovering in hospital
ʼn Familie van Vryheid in KwaZulu-Natal is in rou gedompel nadat ʼn man, sy pa en sy skoonpa tydens ʼn plaasaanval geskiet en twee van hulle in die aanval gesterf het. Billy van Rooyen (37) en sy skoonpa, Ronnie Lombard (62), is dood nadat hulle deur 12 verdagtes oorval en geskiet is. Billy se pa, Lood van Rooyen (76), is ook geskiet en sterk tans in die hospitaal aan. Lt. Nqobile Gwala, woordvoerder van die polisie, het die voorval aan Maroela Media bevestig. Volgens Gwala was die mans op die familie se plaas in die Swart Umfolozi-distrik, naby Gluckstadt buite Vryheid, toe 12 verdagtes omstreeks 20:30 die huis binnegekom het. Volgens Gwala bedryf die familie ʼn winkel op die plaas, maar hulle is glo in die huis oorval. Dit is nie duidelik of die huis en die winkel langs mekaar geleë is nie. Die verdagtes het die drie mans glo geskiet en met ʼn onbekende bedrag kontant gevlug. Gwala kon nie bevestig of daar nog mense in die huis was ten tyde van die voorval nie. Billy is na ʼn hospitaal gehaas, maar is op pad daarheen dood. Lombard is Woensdagoggend in die hospitaal dood. Gwala het gesê ses mans is Dinsdagaand in die omgewing vasgetrek en deur die polisie ingeneem vir ondervraging. Hulle is egter nog nie formeel aangekla nie, omdat hulle nie sonder twyfel met die voorval verbind kan word nie. Twee sake van moord, poging tot moord en huisbraak word ondersoek.
http://maroelamedia.co.za/nuus/sa-nuus/seun-pa-en-skoonpa-tydens-plaasaanval-geskiet-twee-sterf/
##StopWhiteGenocideInSA
