#StopWhiteGenocideInSA
Vier boere is in Parys in die Vrystaat in hegtenis geneem nadat twee vermeende plaasaanvallers dood is. ʼn Betroubare bron het aan Maroela Media gesê ʼn bejaarde man is Woensdagmiddag laat op sy plaas buite Parys aangeval. Die boer is glo met ʼn pistool teen die kop geslaan en het snywonde opgedoen. Die boer kon tydens ʼn stoeiery daarin slaag om ʼn paniekknoppie te druk waarna die aanvallers met leë hande gevlug het.
Die plaaslike veiligheidsstrukture is kort na die voorval in kennis gestel. Die verdagtes het glo deur ʼn koringland hardloop in die rigting van die N1. Die boere kon glo daarin slaag om die verdagtes vas te trek. Die polisie het glo later hierna op die toneel opgedaag en die twee verdagtes vir mediese behandeling geneem. Die een verdagte is na verneem word dieselfde aand in ʼn hospitaal in Parys oorlede. Die ander verdagte is glo Donderdagoggend in ʼn hospitaal in Bloemfontein dood. Volgens die bron is die vier boere Donderdagmiddag in hegtenis geneem op aanklag van moord. Hulle het Vrydagoggend in die Parys-landdroshof verskyn. Hul borgaansoek is tot Dinsdag uitgestel vir verdere ondersoek en hulle bly in aanhouding. Konst. Mosili Ntsika, ʼn woordvoerder van die polisie in die Vrystaat, het aan Maroela Media gesê sy is bewus van die voorval, maar die Valke hanteer die saak verder. Brig. Hangwani Mulaudzi, woordvoerder van die Valke, kon egter geen verdere besonderhede oor die voorval verskaf nie, aangesien hulle dit nog nie van die polisie af ontvang het nie.
http://maroelamedia.co.za/blog/nuus/sa-nuus/vier-boere-vas-na-verdagtes-sterf/
#StopWhiteGenocideInSA
