Pta-vrou skiet ‘rower’ tydens huisbraak dood
ʼn Vrou van Pretoria is in die hospitaal en ʼn swart aanvaller dood ná ʼn huisbraak in die Wilgers in die ooste van die stad.
Kapt. Coba Brits, woordvoerder van die polisie, het gesê die gesin was omstreeks 21:00 Sondagaand besig om aandete te eet toe die honde begin blaf het. “Die vrou se dogter het gaan kyk wat aangaan en is deur twee gewapende aanvallers oorval,” het Brits gesê. Die aanvallers het die dogter terug in die huis ingedwing en die gesin beveel om op die vloer te lê, terwyl hulle hul hande begin vasmaak het. “Die dogter kon daarin slaag om ongesiens weg te glip en haar ma se vuurwapen te gaan haal en vir haar te gee.
Die ma het op een van die aanvallers geskiet en hy het neergeval. Die ander aanvaller het teruggeskiet en die dogter is in haar rug gewond.”
Volgens Brits is die gewonde rower op die toneel dood, terwyl sy makker met leë hande op die vlug geslaan het.
“Die dogter is tans in ʼn stabiele toestand in die hospitaal,” het sy gesê. ʼn Vuurwapen waarvan die reeksnommer afgevyl is, is op die toneel gevind. ʼn Saak van huisbraak en poging tot moord word ondersoek. Brits het versoek dat die gesin se name nie nou bekendgemaak word nie.
http://maroelamedia.co.za/blog/nuus/sa-nuus/pta-vrou-skiet-rower-tydens-huisbraak-dood/
#StopWhiteGenocideInSA
