Disabled toddler (2) found after three black attackers armed with a scissors demanded the grandmother to get out of the vehicle & drove off with child still inside
Berig deur Mariné Jacobs. Die familie van die tweejarige kleuter wat Dinsdag in ʼn motor agtergebly het toe kapers daarmee weggejaag het, is nog te getraumatiseerd om oor die voorval te praat. André Snyman, stigter van die misdaadbekampingsorganisasie eBlockwatch, het aan Maroela Media gesê die gesin het versoek om nie met die media te praat nie omdat hulle nog erg getraumatiseerd is deur die voorval. Volgens Snyman het Estelle Engelbrecht (56) omstreeks 14:00 met haar motor gery met haar kleinseun, Maxin Harvie, agter in sy motorstoeltjie vasgegespe. Hulle was op pad na ʼn gastehuis in Bryanston, Johannesburg, waar Maxin, wat serebraal gestremd is, terapie sou kry. Maxin se ma is tans in Nevada in die VSA waar sy opleiding ondergaan oor hoe om met serebraal gestremde kinders te werk. Snyman het gesê Engelbrecht het voor die gastehuis stilgehou toe drie mans uit die bosse gekom en haar beveel het om uit die motor te klim. Hulle was met ʼn skêr gewapen. “Sy het uitgeklim en hulle gesmeek om die seuntjie vir haar te gee, maar hulle het net weggery,” het Snyman gesê. “Sy het voor die motor ingespring en probeer om hulle te keer, maar hulle het weggejaag en haar in die proses byna raakgery.” Volgens Snyman het ʼn verbygaande motoris Engelbrecht opgelaai en hulle het die polisie en ʼn motoropsporingsmaatskappy gekry om die motor op te spoor. “Intussen moes die kapers agtergekom het daar is ʼn kleuter in die motor, want hulle het ʼn paar kilometer verder op die hoek van Main- en Bryanstonweg die motor langs die straat parkeer, doodluiters uitgeklim en weggestap. ʼn Veiligheidswag het gesien hoe die mans wegstap van die motor, skynbaar sonder om dit te sluit, en hy het onraad vermoed,” het Snyman gesê. Toe hy nader stap het hy gesien die kleuter is nog in die motor en dat die voertuig nie gesluit was nie. Hy kon die seuntjie uit die motor haal en verhoed dat hy ure lank in die hitte vasgekeer was. “Dit is ʼn verskriklike ding wat gebeur het, maar so baie goed kon só verkeerd gegaan het. Dit is ʼn wonderwerk dat die kind ongedeerd is,” het Snyman gesê. Hy het gesê die gesin is baie dankbaar dat Maxin nie seergekry het nie. Ao. Moses Makhaphela, woordvoerder van die polisie, het die voorval aan Maroela Media bevestig en gesê die drie verdagtes is steeds soek.
http://maroelamedia.co.za/blog/nuus/sa-nuus/familie-getraumatiseerd-na-kapers-met-gestremde-kleuter-wegjaag/
#StopWhiteGenocideInSA
