GENOCIDE VICTIM: Survives but injured: Robert Richardson was attacked on his mountain bike, stabbed several times in the neck, threatened with death and robbed of his mountain bike by a black attacker who sold his bicycle on OLX on the very same day
#StopWhiteGenocideInSA
'N Bergfiets van etlike duisende rande - en nog groter emosionele waarde - is op dieselfde dag wat dit gesteel is op OLX, die aanlyn verkoopdiens, verkoop.
Robert Richardson, die slagoffer, die Dinsdag aan Netwerk24 vertel hoe hy Saterdag oorval en van sy fiets beroof is.
Hy sê hy is uiters ontsteld oor die feit dat misdadigers OLX kon misbruik om sy fiets, ter waarde van R40 000, vinnig te verkoop.
OLX sal volgens 'n woordvoerder eers met die ondersoek help indien hy gedagvaar word om dit te doen.
Richardson het tydens die voorval etlike steekwonde aan sy nek opgedoen.
Hy het Saterdag alleen naby die Rhodes-gedenkteken in Kaapstad gaan ry en by 'n groep ander fietsryers ingeval.
"My tyd was egter besig om op te raak en ek het besluit om alleen verder te ry," sê Richardson.
"Toe ek by die bult afry, het ek 'n ou wat baie soos 'n stapper lyk in die pad gesien. Hy het selfs 'n rugsak en hoed gedra. "
Richardson het toe opgelet hoe die "stapper" na 'n hoek waar hy moet indraai, beweeg.
"Soos wat ek verby hom ry, het hy my fiets se handvatsels gegryp. Ek het bo-oor gevlieg en die fiets het ook bo-op my geland. Hy het my byna dadelik met 'n mes in die nek gesteek. "
Die aanvaller het deurentyd gepoog om vir Richardson te steek en het uiteindelik die fiets by hom gegryp en daarmee verdwyn.
"Die aanvaller was psigopaties en ongelooflik aggressief. Mens kon uit sy gedrag sien dat hy my uit die prentjie wou hê. Hy het my met die dood gedreig. "
Richardson het agter die aanvaller aangehardloop en gepoog om hom met 'n klip te gooi. Dit was toe dat Richardson besef hoe erg hy bloei.
"Dit was morsig. Ek het baie gebloei, die bloed het omtrent gestroom. "
Richardson is ná die aanval deur die polisie en mede-fietsryers bygestaan en hospitaal toe geneem.
"Ek is baie gelukkig om hier te wees, die aanvaller het die meeste groot are gemis."
Sy fiets, 'n wit BMC 29'er Fourstroke-model, is glo dieselfde dag vir R10 000 op die OLX-webtuiste verkoop.
Volgens Richardson is dit duidelik wat gedoen moet word.
"As ek iets aan 'n tweedehandse winkel verkoop, het ek baie dokumentasie en identifikasie nodig, maar met OLX benodig mens slegs 'n e-posadres. Dit moet verander. "
André van Schalkwyk, verbonde aan Table Mountain Watch, sê "iets is nie lekker met OLX nie". Van Schalkwyk staan Richardson by om sy fiets te probeer opspoor.
"As hulle misdadigers help om gesteelde goedere anoniem te verkoop, is hulle mos aandadig," sê Van Schalkwyk.
Melissa Wessels, OLX-woordvoerder, het in 'n e-pos aan Netwerk24 bevestig hulle is bewus van die voorval, maar dat hulle nie die polisie met die ondersoek bystaan nie.
"Ons het aangedui dat ons in staat is om die polisie met die ondersoek by te staan indien hulle met 'n dagvaarding (subpoena) vorendag kom," sê Wessels.
Volgens Wessels is OLX besig om meer inligting oor die fiets se advertensie en die transaksie in te samel.
Sy meen ook dat hulle voldoende maatreëls het om verbruikers te beskerm.
"OLX verskaf 'n platform vir kopers en verkopers om by mekaar uit te kom. Om hierdie platform veilig te hou, is van die uiterse belang en ons werk hard daaraan om die webtuiste skoon van slenters te hou.
"As gevolg van die veranderende aard van slenters en bedrieërs glip daar af en toe iets deur die krake."
Die polisie het die voorval bevestig maar niemand is nog in verband met die voorval in hegtenis geneem nie.
Skakel na "vermiste fiets" -plasing op Bikehub
http://www.netwerk24.com/Nuus/Misdaad/rower-steek-man-in-nek-steel-fiets-verkoop-op-olx-20160405
#StopWhiteGenocideInSA
