Black attacker stabbed to death after the attackers returned to Devon farm & attacked the guard on duty. The guard was arrested!
Devon-plaasmoord: Verdagte in struweling doodgesteek
Skaars ʼn uur nadat die plaasbeveiligingsgemeenskap van Devon die moordtoneel van die weduwee Irene Vermaak (66) skoongemaak het, het ʼn man met sy lewe geboet toe hy op die toneel betrap is. Vermaak is Dinsdagaand in ʼn plas bloed in haar plaashuis tussen Devon en Endicott in Gauteng gevind. Sy het alleen op die plaas gewoon sedert haar man nege jaar gelede dood is. Haar liggaam is omstreeks 19:00 deur ʼn buurman gevind nadat sy nie op die plaaslike radiostelsel ingeskakel het nie. Haar keel is met ʼn mes afgesny. Die moontlikheid word ook ondersoek of sy verkrag is. Die polisie vermoed dat slegs ʼn paar rand gesteel is. Dennis Grose, die voorsitter van die plaasbeveiligingsnetwerk, het Vrydag aan Maroela Media gesê Vermaak se huis is Woensdag omstreeks 00:30 opgeruim nadat die polisie die toneel vir leidrade gefynkam het. “Ons het ʼn plaaslike landboubewaarder na die plaashuis gestuur om dit op te pas. Hy was skaars ʼn uur daar, toe hy twee verdagtes by die huis opgemerk het,” het Grose gesê. “Die bewaarder het dadelik die beheerkamer in kennis gestel, waarna hy deur die mans oorval is.” Die verdagtes het na bewering te voet ʼn landery in gevlug en die bewaarder het hulle agternagesit. “Hy kon een van hulle aankeer en ʼn bakleiery het glo ontstaan. Een van die mans het ʼn mes by hom gehad. Die bewaarder is tydens die voorval raakgesteek en gewond en die verdagte is noodlottig gewond.” Die ander verdagte kon daarin slaag om te ontsnap. Die bewaarder moes mediese behandeling ontvang. Die Devon-polisie het die bewaarder in hegtenis geneem. Hy sal na verwagting Vrydag in die hof op Nigel verskyn. Ao. Tommy Tomlinson, polisiewoordvoerder, het Vrydag aan Maroela Media gesê die inhegtenisneming is normale prosedure wat gevolg is ná ʼn moord. “Die hof sal bepaal of dit ʼn saak van moord, strafbare manslag of selfverdediging is,” het hy verduidelik. Tomlinson het gesê die moontlikheid word ondersoek of die oorledene met Vermaak se dood verbind kan word. Niemand is nog in verband met Vermaak se moord in hegtenis geneem nie.
Berig deur Phillip Bruwer.
http://maroelamedia.co.za/blog/nuus/sa-nuus/devon-plaasmoord-verdagte-in-struweling-doodgesteek/
ALSO READ:
■ #FarmMurder: Afrikaner farm woman, Irene Vermaak (66) found murdered, throat cut. NOTHING ROBBED!
The body of a 66 -year-old widow was found on Tuesday night in a pool of blood in her farmhouse between Devon and Endicott in Gauteng
#StopWhiteGenocideInSA
