" Elsabe was shot twice in the head.
My brother, Jaco kept on fighting, they then shot him twice in the stomach ....Carolize tried to run away but they shot her in the legs, They also opened fire on the neighbors, but as far as we know, no one was
injured "
injured "
ʼn Man en vrou van Fochville in Gauteng is Saterdagaand ten aanskoue van die vrou se 12-jarige dogter deur gewapende rowers in die oprit van hul huis doodgeskiet.
ʼn Man en vrou van Fochville in Gauteng is Saterdagaand ten aanskoue van die vrou se 12-jarige dogter deur gewapende rowers in die oprit van hul huis doodgeskiet.
Jaco van Eeden (47) en Elsabé Muller is albei op die toneel dood, nadat drie gewapende mans vermoedelik tydens ʼn mislukte kaping op hulle losgebrand het. Muller se dogter, Carolize, is ook in die voorval geskiet.
Johan Van Eeden, Jaco se broer, het aan Maroela Media gesê Jaco, Elsabé en Carolize het Saterdagaand omstreeks 22:00 by die huis aangekom nadat hulle by vriende gebraai het. “Soos ons verstaan, het hulle in die oprit stilgehou toe ʼn BMW agter hulle stilgehou en twee gewapende rowers uitgeklim het,” het Johan gesê. “Later het ʼn derde verdagte glo opgedaag, maar ons is nie heeltemal seker hoeveel rowers daar was nie. My broer het die motor se sleutels in die erf in gegooi en die rowers het hul vuurwapens op die paartjie gerig. ʼn Struweling het ontstaan en Elsabe is twee keer in die kop geskiet. My broer het aanhou baklei en hulle het hom twee keer in sy maag geskiet.”
Volgens Johan het die bure uitgekom nadat hulle die skote gehoor het en die drama in die oprit langsaan sien afspeel het. “Carolize het probeer weghardloop en die rowers het haar in haar bene geskiet,” het hy gesê. “Hulle het glo ook op die bure losgebrand, maar sover ons weet, is niemand anders raakgeskiet nie. Die rowers het toe met Elsabe se handsak gevlug. Hulle het nie die motor gevat nie.”
Johan het gesê Jaco het nog geleef met polisiebeamptes se aankoms op die toneel, maar is kort daarna dood. “Ons is nie seker hoe dit met Carolize gaan nie, maar sover ons weet is sy buite gevaar. Hoe dit emosioneel met haar gaan, sal ek nie kan sê nie,” het hy hartseer gesê. Hy het gesê die familie het later inligting gekry dat Elsabe se handsak in Midrand gevind is, maar hy weet nie of die polisie al die inligting kon bevestig nie. Geen begrafnisreëlings is sover getref nie, aangesien die nadoodse ondersoeke nog afgehandel moet word en die familie nog wag vir Jaco en Johan se broer om van Australië te kom. Jaco was die pa van twee kinders, ʼn 22-jarige dogter en 25-jarige seun. Die polisie kon nie onmiddellik vir kommentaar bereik word nie.
http://maroelamedia.co.za/blog/nuus/sa-nuus/paartjie-ten-aanskoue-van-dogter-12-doodgeskiet/
#StopWhiteGenocideInSA
